【明報專訊】噚日天氣報告顯示,本港地區天晴、有煙霞,一滴雨都冇,好多人冒住熱天氣上街。「牛下女車神」、香港單車運動員李慧詩朝早喺facebook出post,話「今天出門小心避雨 沒有雨傘要早點回家」(圖),惹起猜想。有網民留言感謝佢對香港人嘅關懷,有人讚佢「真女神 香港以妳為榮」;亦有唔少人質疑佢係撐示威者:「難道你認為放火,掟氣(汽)油彈,襲擊警察,通街毆打不同意見市民是爭取緊民主言論自由?」批評佢「無資格代表中國、代表香港參賽」。


李慧詩個post喺8個鐘內獲得1.2萬個讚好、2000多個心心,亦有近500個嬲嬲。李慧詩fb上絕少直接談政治,喺6.12示威當日佢曾經出post,講咗句「加油」, 唔少網民留言,有人感謝佢「願意在此時此刻出聲,真的以您為榮」。



Source